假日親子好去處_ 香港青年協會領袖學院

週末假期一定喺親子日。今日帶咗細寶同家人嚟到香港青年協會領袖學院Open day。

其實香港青年協會領袖學院會定期舉辦不同課程和工作坊，讓青年學習領袖技巧，提升個人才能、開拓全球視野，以及推動社會參與。

而香港青年協會領袖學院前身係粉嶺裁判法院，新界第一所裁判法院。於1961年啟用，屬於香港三級歷史建築。

現時法院保留當年嘅法庭、拘留室等大部分原有建築細節。所以好多打卡位，媽兒梗係幫細寶瘋狂留倩影。

今次一連兩星期嘅開放日有唔同節目，例如: 

「粉嶺再發現」展覽有不同嘅木制玩具同展示版，令大家可更深入地了解北區。

「未來領袖電子互動藝術體驗」幫小朋友分析邊方面嘅才能特別出色。

「電玩訓練所」不同嘅遊戲，令小朋友從中學習領袖培訓。細寶玩到唔願走呀。

「下一站。粉嶺 周末市集」有各式各樣嘅產品，當中最吸引我嘅係自家制乾花飾物。造工好精緻，仲有唔同款式添。

原來學院除咗有領袖課程之外，仲有營舍可以入住。

簡約風嘅設計，而外面亦提供公共空間玩board game。當中包括多款住宿房型，啱晒情侶或者家庭嚟staycation。

 

由即日起至2021年3月31日，凡登記營舍住宿、康樂活動或租用場地，均可享半價優惠，折扣後，二人房間最平200元起。快啲把握優惠去book 啦！

開放時間：

訓練大樓：星期一至日 10:00 - 18:00

花園：星期一至日 08:00 - 21:00

地址：新界粉嶺馬會道302號

Facebook : https://www.facebook.com/leadershipinstitute.hk

Official Website : https://leadershipinstitute.hk/zh